Буллинг – бұл жай ғана “балалар арасындағы жанжал” емес
Буллингтің зардабы тек осы сәтте ғана емес, жылдар бойы — адамның психикалық және физикалық денсаулығына, өзіне деген сеніміне, қарым-қатынасына әсер етеді.
Не білуіміз керек?
Егер бала тұйықталып, уайымшыл бола бастаса, мектепке барғысы келмесе — бұл белгілерді елеусіз қалдырмаңыз. Ашық әңгіме — мәселені шешудің алғашқы қадамы.Қажет болса, мұғалімдер мен мектеп психологын, мамандарды тартуға болады. Ең бастысы — балаға оның жалғыз емес екенін, оның жанынан табылатын адам бар екенін сездіру.
Есіңізде болсын: буллинг тек мектепте ғана емес, интернетте де басталуы мүмкін. Жасырын кибербуллинг — кейде одан да қауіпті.Ал біз, ересектер, не істей аламыз?
Ашық айту. Түсіндіру. Қолдау көрсету.
Сынып сағаттарын, тренингтер өткізу, эмпатия мен мейірімділікті дамыту — осылайша біз балаларды бір-біріне қамқор, жанашыр болуға тәрбиелей аламыз.
Қауіпсіз орта құру — бәріміздің ортақ міндетіміз.
Буллингтің алдын алу — бұл балалардың жарқын болашағына қосқан үлесіміз.
